TÜRKMEN HALKYNYŇ MILLI LIDERI, TÜRKMENISTANYŇ HALK MASLAHATYNYŇ BAŞLYGY RUSSIÝA FEDERASIÝASYNYŇ PREZIDENTINI GUTLADY

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Russiýa Federasiýasynyň Prezidenti Wladimir Putine we dostlukly ýurduň halkyna ajaýyp baýram — Russiýanyň güni mynasybetli tüýs ýürekden gutlaglaryny iberdi.

“Syýasy, söwda-ykdysady, durmuş, medeni-ynsanperwer ugurlar boýunça yzygiderli pugtalanýan we ösýän türkmen-rus gatnaşyklarynyň ýokary derejesini bellemek guwandyryjydyr. Türkmenistanyň we Russiýanyň döwletara gatnaşyklary mundan beýläk-de giňeltmäge ygrarly bolmagy umumy abadançylygyň bähbitlerine laýyk gelýär” diýlip, gutlag hatynda bellenilýär.

Gahryman Arkadagymyz Prezident Wladimir Putine berk jan saglyk, bagtyýarlyk we üstünlik, Russiýa Federasiýasynyň ähli halkyna bolsa rowaçlyk, ösüş arzuw etdi.